En marcha un crowdfunding pa organizar el Zarréu Fest de Degaña

Pa la edición de 2026 del Zarréu Fest, Sestaferia Cultural nel Monte, l'Asamblea Moza d'Asturies tien en marcha una campaña de mecenalgu que permita sacar alantre el festival col mesmu espíritu que nes dos ediciones anteriores: de baldre y abiertu a tolos públicos.

El Zarréu Fest nació en 2024 nel conceyu Degaña con dellos oxetivos principales: dar vida al conceyu y combatir el despoblamientu que tanto castiga a Degaña, responder al impactu del pieslle de la minería, crear un referente cultural fuera de los grandes centros urbanos d'Asturies y dar fuercia al texíu social del conceyu reivindicando la ruralidá, ente otros. Pente los organizadores tán los vecinos y vecines del conceyu, asociaciones llocales, persones del ámbitu educativu de Degaña y l'Asamblea Moza d'Asturies, AMA Asturies.

Anguaño tienen una campaña en Goteo a la que puedes entrar y collaborar calcando equí.