Avilés conviértese na capital del quesu asturianu cola Feria del Quesu y el Vinu

Del 22 al 24 de mayu, la Pista de la Esposición de Les Meanes va ser l'escenariu d'una de les cites gastronómiques más esperaes del añu n'Asturies.

La XLIV edición de la Feria del Quesu y el Vinu d'Avilés axunta nesta ocasión a un total de 36 queseríes, con una representación de 25 productores asturianos qu'incluís toles DOP asturianes y una bayura del restu de queseríes del país. De fuera d'Asturies tamién va haber 11 queseríes vinientes de dellos puntos del Estáu. Tamién 14 vinateríes, siendo 11 d'elles d'Avilés y tamién otres del vinu de Cangas.

Dientro del programa d'actos, el puntu fuerte va ser el sábadu 23 a les 12:00 hores, cuando s'apurra'l diploma al meyor quesu de la feria na sala d'actos del Centru de Mayores de Les Meanes. Amás, nesi mesmu espaciu va haber cates con entrada llibre tantu'l sábadu como'l domingu a partir de mediudía.

Esta feria ye, de xuru, la meyor ocasión pa sofitar al sector primariu asturianu.