Comienza'l dragáu de la canal d'entrada y la dársena pesquera del puertu de Llanes

El Gobiernu d'Asturies entamó colos llabores de dragáu na canal d'entrada y la dársena pesquera del puertu de Llanes, que va llevar a cabu con medios propios y que va permitir retirar 10.000 metros cúbicos de sedimentos acumulaos pa caltener el calume óptimu en dambes zones.

La draga La Nalona va permanecer na llocalidá alredor d'un mes pa llevar a tálamu esta xera, que se suma a la que s'executa yá pa llimpiar el primer tramu de la dársena deportiva del puertu. Esta actuación, que cuenta con una inversión de 156.819 euros, obligó a desmontar los pantalanes pa retirar dende tierra los sedimentos atropaos.

Con estos llabores de llimpieza, según la conseyería, va optimizase'l rendimientu de les embarcaciones y va facilitase la maniobrabilidá nos 25 amarres asitiaos na zona interior del puertu. Los trabayos van realizase nuna superficie de 1.700 metros cuadraos y van permitir la retirada de 1.500 metros cúbicos de sedimentos pa caltener el calume necesariu.