El vascu ye yá la llingua preferencial de los usuarios de la sanidá vasca

El Serviciu Vascu de Salú, conocíu como Osakidetza, llogró rexistrar la llingua de preferencia de 2.041.960 persones, el 90% de los vascos. D'ellos, 375.000 pacientes escoyeron el vascu como l'idioma de comunicación colos profesionales, según informa elcorreo.com.

La sensibilidá d'Osakidetza pa colos pacientes nun ye sólo cuestión sanitaria. El serviciu ta merguyáu nel "II Plan de normalización del uso del euskera en Osatek 2023-2027" que tien como finalidá avanzar decididamente hacia la consecución de la normalización del usu, oral y escritu del euskera n'Osatek de tal forma que, progresivamente, de forma gradual y de mou realista se garanticen los derechos llingüísticos de les persones pacientes que deseen ser atendíes en vascu y que'l vascu sía, xunto col castellanu, llingua de trabayu n'Osatek.

Tanto los centros, como los y les profesionales d'Osatek capacitaos pa ufrir una atención billingüe, tán identificaos col logu “e” azul o'l certificáu Bikain, colos formatos y diseños consultables nesta web d'Osakidetza.