L'alcuerdu comercial XE-Mercosur

L'alcuerdu comercial XE-Mercosur, aplicable provisionalmente dende'l 1 de mayu de 2026, crea una zona comercial de 700 millones de persones. Trátase d'un alcuerdu ente la XE y el bloque comercial d'América del Sur, del que formen parte Arxentina, Brasil, Paraguay y Uruguay. L'alcuerdu impulsa la economía europea y les asociaciones mundiales, protexendo al empar llabradores, consumidores y les normes mediuambientales de la XE.

Según la XE, l'alcuerdu esanicia les torgues al comerciu, crea puestos de trabayu y oportunidaes de negociu y garantiza unes salvaguardies sólides pa protexer les normes de la XE y la competencia lleal

L'alcuerdu comercial UE-Mercosur amenorga los elevaos aranceles esistentes hasta agora sobre productos agroalimentarios clave de la XE, como'l vinu y les bébores espirituoses (d'hasta'l 35 %), el chicolate (el 20 %) y l'aceite d'oliva (el 10 %). Espérase que les esportaciones de productos agrícoles de la XE aumenten cuasi un 50 %. L'alcuerdu comercial caltién les estrictes normes de la XE en materia de salú y seguridá alimentaria.