Tres les elecciones de mayu l’independentismu ye mayoritariu en Gales y Escocia frente a la mayoría d’estrema derecha nacionalista n’Inglaterra

El pasáu 7 de mayu hubo elecciones pa los gobiernos d’Escocia y Gales y tamién elecciones llocales n’Inglaterra que dexen resultaos mui diferentes nos territorios.

El puxu de la estrema derecha nacionalista de Reform UK, partíu que nel so entamu llamábase’l Partíu del Brexit, vese enfrentáu colos resultaos nes elecciones d’Escocia y Gales, onde el Scottish National Party y Plaid Cymru ganaron con comodidá nos sos países. N'Inglaterra'l Reform UK foi'l ganador de les elecciones llocales.

Pela so parte, n'Irlanda del Norte el partíu republicanu irlandés Sinn Féin, que puxa pola xunión d'Irlanda, ye'l más votáu n'actualidá y les encuestes siguen dándolu como ganador pa les siguientes elecciones que sedrán en mayu de 2027 si nun se convoquen anticipadamente.