Marzu foi ún de los meses con mayor númberu d'oxetivos estratéxicos alcanzaos en Rusia pol exércitu ucraín

Según informa Ukrinform, el pasáu marzu de 2026 foi ún de los meses con mayor númberu d'oxetivos estratéxicos alcanzaos en Rusia pol exércitu ucraín: cinco plantes y diez refineríes de petroleu. Los ataques de les Fuerces de Defensa d'Ucraína abarcaron el territoriu dende Crimea, Donetsk y Lugansk, rexones actualmente ocupaes, hasta la retaguardia rusa.

Una de les instalaciones atacaes de gran importancia pa'l financiamientu de la guerra rusa foi la de Yaroslavl, a más de 700 kilómetros de la frontera estatal d'Ucraína. Yaroslavl ye una ciudá allugada a unos 250 km al noreste de Moscú, a la vera del cursu altu del ríu Volga, na que viven más de 600.000 habitantes.

Según informa'l presidente d'Ucraína, Volodímir Zelenski, les sanciones de llargu alcance ucraínes continuen actuando en respuesta a los ataques rusos contra les ciudaes y pueblos del país.