Iniciativa pol Asturianu fai un llamamientu a siguir texendo consensu políticu y social pola oficialidá

Na pasada manifestación pola oficialidá celebrada n’Uviéu'l pasáu sábadu 9 de mayu, la presidenta d’Iniciativa pol Asturianu, Arantza Margolles, afirmó que “ye’l momentu de siguir trabayando ensin descansu pa consolidar un consensu ampliu alredor de la oficialidá. Y al empar, de llograr nuevos avances en materia llingüística n’otros ámbitos como la educación o la radiotelevisión pública asturiana. Hai una reivindicación histórica en defensa de la Especialidá Docente y un cambéu na dirección de la RTPA. Ye’l momentu d’aplicar la mayoría parllamentaria de la Xunta Xeneral que defende la oficialidá pal lograr pasos alantre”.

La representante de la organización de reivindicación llingüística aprovechó la movilización pa recordar que “el consensu consitucional ye’l camín de diálogu, alcuerdu y responsabilidá democrática que necesita Asturies pa facer posible una reforma estatutaria que garantice los derechos llingüísticos de tola ciudadanía”.

Por ello, Iniciativa pol Asturianu fai un llamamientu a los grupos políticos a actuar con visión democática y constitucional, responsabilidá institucional y voluntá d’alcuerdu pa culminar un procesu llargamente demandáu pola sociedá asturiana.

Llea la noticia completa nesti enllaz.