Trump viaxa a China p'aselecer la tensión por Irán y Taiwán

El presidente de los Estaos Xuníos, Donald Trump, viaxa a China acompañáu de familiares y de destacaos líderes teunolóxicos como Elon Musk y Jensen Huang pa caltener alcuentros col presidente asiáticu, Xi Jinping. Trump ta enfotáu en llograr alcuerdos de gran relevancia política y económica na la visita.

Les conversaciones ente Washington y Pekín van tar marcaes pola tensión internacional derivada del conflictu n’Oriente Mediu. La situación esmolez a dellos analistes que consideren que la crisis pue afectar al equilibriu diplomáticu ente dambes potencies y enxareyar les sos rellaciones.

Otru de los asuntos sensibles va ser Taiwán. Dellos espertos tienen medrana de que los Estaos Xuníos puedan amenorgar el sofitu a la islla a cambéu d’una mayor cooperación china respeuto a Irán. Trump, sicasí, aseguró enantes del viaxe que’l so país nun necesita ayuda esterna y afirmó que va resolver el conflictu “de mou pacíficu o por otros medios”.