Rusia llanza un ataque masivu contra Ucraína con cientos de drones

Rusia llanzó esta madrugada ún de los ataques más fuertes de los postreros meses contra Ucraína, con cientos de drones y decenes de misiles contra Kiev y otres zones del país. Les autoridaes ucraínes falen de dellos muertos y decenes de firíos, amás de daños graves n'edificios de viviendes, infraestructures y servicios básicos.

Parte d’un bloque residencial en Kiev vieno abaxo y los equipos de rescate siguíen restolando persones ente los escombros. El presidente ucraín, Volodímir Zelenski, acusó a Rusia d’intentar saturar les defenses aérees col gran númberu de drones y misiles, y pidió más presión internacional sobre Moscú. Según Kiev, Rusia llanzó más de 670 drones y 56 misiles nuna sola nueche.

El Kremlin nun da señales d’amenorgar los ataques y alimenta la guerra acaldía xenerando cada vegada más muerte y destrucción.