Movilidá arranca la campaña de llimpieza, fradadura, corta y roza de la rede viaria

La Conseyería de Movilidá, Mediu Ambiente y Xestión d'Emerxencies inicia la campaña añal de roces nos 4.254 kilómetros que formen la rede autonómica de carreteres, con un presupuestu que supera los 3,1 millones pa caltener les víes en condiciones óptimes de seguridá y visibilidá.

Los llabores de llimpieza, fradadura, corta y roza, de les que s'encarguen les brigaes del Principáu y el personal de les empreses axudicataries del contratu de caltenimientu, van empezar güei llunes y van dir desendolcándose per tol territoriu.

Según indica la conseyería, el contratu de caltenimientu ta estructuráu n'once llotes y cubre 2.772 kilómetros de calzaes convencionales y 162 kilómetros d'autovíes, lo qu'inclúi víes estratéxiques como l'AS-I, l'AS-II y los accesos a puntos clave como l'Hospital Universitariu Central d'Asturies (HUCA) o'l Parque Empresarial Principáu d'Asturies (PEPA).

La plantiya de les brigaes públiques ta formada por 300 persones.