Rusia entama exercicios militares con fuerces nucleares

El Gobiernu de Rusia anunció del entamu d'una serie d'exercicios militares venceyaos a les sos fuerces nucleares estratéxiques nunes maniobres que van durar tres díes y nes que van participar más de 65.000 soldaos, amás de submarinos, aviones y llanzadores de misiles. Según informó'l Ministeriu de Defensa rusu, estes práctiques tienen como oxetivu comprobar la capacidá de respuesta del país énte una posible amenaza esterior y ameyorar la coordinación ente les distintes unidaes implicaes.

Los exercicios incluyen tamién operaciones conxuntes con Bielorrusia, país aliáu de Moscú que lleva años acoyendo armamentu nuclear tácticu rusu. Nes maniobres van facese simulaciones de llanzamientu de misiles balísticos y de cruceru, nun contestu de tensión internacional creciente pola guerra n'Ucraína y polos ataques con drones sobre territoriu rusu. Dellos analistes consideren qu'estes operaciones son una demostración de fuercia del Kremlin frente a Occidente y la OTAN.