El réxime sionista israelín, humilda a los activistes y provoca l'enfadu de países d'América y Europa

La interceptación de la flotilla humanitaria Global Sumud por fuerces sionistes n'agües internacionales provocó una fuerte reacción diplomática en dellos países europeos y llatinoamericanos, dempués de que s'espublizaren vídeos del ministru israelín de Seguridá Nacional, Itamar Ben-Gvir, burllándose d'activistes deteníos, arrodillaos y coles manes ataes. Organizaciones llegales y dellos de los participantes denunciaron amás humildaciones, violencia física y tratu degradante mientres la detención.

Ente los gobiernos que protestaron figuren España, Canadá, Países Baxos, Polonia, Brasil y dellos países de la Xunión Europea. La Comisión Europea calificó'l tratu a los activistes de “dafechu inaceptable” y reclamó que tolos deteníos foren trataos “con dignidá y conforme al derechu internacional”.

N'europa, el presidente español Pedro Sánchez foi unu de los más duros na so rempuesta. Acusó al ministru sionista d'humildar a los activistes y aseguró qu'España nun toleraría'l maltratu a los sos ciudadanos. Pela so parte, el ministru d'Esteriores, José Manuel Albares, calificó d'abominable ya inhumanu'l tratu recibíu polos integrantes de la flotilla y convocó a la encargada de negocios del réxime sionista en Madrid pa treslladar una protesta formal.

La flotilla, integrada por decenes d'embarcaciones y cientos d'activistes de más de 40 países, pretendía llevar ayuda humanitaria a Gaza y denunciar el bloquéu sionista sobre la Franxa. Dellos gobiernos y organizaciones internacionales sostienen que la interceptación n'agües internacionales podría frayar el derechu marítimu internacional. Nun ye la primer vegada que'l réxime fai esto, que yá repitió con otres flotilles d'aición humanitaria.