Evacuen a Alemaña un médicu estauxunidense con ébola

La Organización Mundial de la Salú manifestó'l so esmolecimientu pola rápida espansión del biltu d'ébola detectáu na República Democrática d'El Congu. La situación, que yá foi considerada una emerxencia internacional de salú pública, contabiliza más de 500 casos del virus hemorráxicu Bundibugyo y, polo menos, 134 muertes sospechoses. Anguaño nun esisten vacunes nin tratamientos aprobaos pa esta variante.

El biltu, que yá llegó a zones urbanes del país africanu, obligó a reforzar les midíes sanitaries y la coordinación internacional pa intentar frenar la propagación de la enfermedá.

Nesta situación, un médicu estauxunidense infectáu mientres realizaba llabores humanitaries nel Congu foi evacuáu a Alemaña pa recibir atención médica especializada. Trátase del doctor P. S., ciruxanu y responsable del grupu misioneru cristianu Serge, qu'aseguró qu'operó a un paciente ensin saber que taba contaxáu d'ébola enantes de que se confirmara oficialmente'l biltu.

La so esposa y familia permanecen baxo siguimientu sanitariu pa controlar la posible apaición de síntomes.