Sociedá
normal
Trés años y trés meses de cárcel pa un ganaderu por provocar quemes forestales en Llanes
Tamién tendrá que pagar una multa de 4.080 euros
📷 @asturias.es
14/07/2026 05:00
| REDAICIÓN
L'Audiencia Provincial d'Asturies confirmó la conderga a trés años y trés meses de prisión impuesta a un ganaderu por provocar de forma siguida dos quemes destinaes a llograr pacionales nel conceyu de Llanes. El fueu terminó afectando a siete parceles colindantes y a unes 2,5 hectárees de terrenal.
Según los fechos consideraos probaos, l'acusáu prendió un primer fueu nuna xornada con riesgu altu de quema forestal. Díes dempués, el 24 de febreru, realizó una segunda quema nuna parcela próxima, cuando'l nivel de riesgu yera inda mayor. Dambos focos acabaron xuniéndose y afararon zones cubiertes de carba, felechos y artos.
El ganaderu negó ser responsable de la quema y alegó que nun esistíen pruebes directes escontra él. Sicasí, l'Audiencia considera que la sentencia inicial ta abondo encontada y que los testimonios de los axentes de la Guardia Civil y de la Brigada d'Investigación de Quemes Forestales coinciden n'aspeutos esenciales cola mesma versión del acusáu.
Arriendes de la pena de prisión, el condergáu tendrá de pagar una multa de 4080 euros, indemnizar al Principáu d'Asturies con 180,81 euros y compensar a los propietarios de les siete parceles amburaes. Les cantidaes van afitase mientres la execución de la sentencia, qu'inda pue recurrise énte'l Tribunal Supremu.
Según los fechos consideraos probaos, l'acusáu prendió un primer fueu nuna xornada con riesgu altu de quema forestal. Díes dempués, el 24 de febreru, realizó una segunda quema nuna parcela próxima, cuando'l nivel de riesgu yera inda mayor. Dambos focos acabaron xuniéndose y afararon zones cubiertes de carba, felechos y artos.
El ganaderu negó ser responsable de la quema y alegó que nun esistíen pruebes directes escontra él. Sicasí, l'Audiencia considera que la sentencia inicial ta abondo encontada y que los testimonios de los axentes de la Guardia Civil y de la Brigada d'Investigación de Quemes Forestales coinciden n'aspeutos esenciales cola mesma versión del acusáu.
Arriendes de la pena de prisión, el condergáu tendrá de pagar una multa de 4080 euros, indemnizar al Principáu d'Asturies con 180,81 euros y compensar a los propietarios de les siete parceles amburaes. Les cantidaes van afitase mientres la execución de la sentencia, qu'inda pue recurrise énte'l Tribunal Supremu.
Opinión
15/06/2026 19:07
EDITORIALSolidaridá colos futbolistes de fala castellana
07/05/2026 05:41
EDITORIALNun nos damos
30/03/2026 16:26
Netanyahu y el xenocidiu
30/03/2026 14:21
Les coses pasaes, les que vienen, y les que tendríen de venir yá
El tiempu n'Asturies
📰 Les más lleíes
Encuesta
Ves necesario que'l Gobiernu regule'l preciu d'arriendu de vivienda?
Sí83.9%
Non12.9%
NS/NC3.2%
751 votos
Encuesta zarrada
_._
