¡Bon Día de les Lletres Asturianes!

Güei vienres 8 de mayu celebramos la edición númberu 47 del Día de les Lletres Asturianes.

La Xunta Estraordinaria de l'Academia de la Llingua Asturiana va a ser l'actu central del día, a les 19 hores nel Teatru Campoamor d'Uviéu, nuna sesión abierta al públicu. Nel actu, el presidente de l'Academia, Xose Antón González Riaño, repasará nel so discursu l'añu académicu pa dempués nomar a les nueves persones académiques.

Al rodiu del Día de les Lletres Asturianes, el Gobiernu d'Asturies entama la Selmana de les Lletres Asturianes. La temática d'esti añu pon el focu nel teatru n'asturianu y la figura de Taresa Cónsul, autora de la primer obra conocida n'asturianu en 1789. Puedes alcontrar la obra nel númberu 11 de los Cartafueyos de Lliteratura Escaecida que publica l'Academia de la Llingua Asturiana.

Calcando equí puedes consultar el programa de la Selmana de les Lletres.