Miles de persones reclamen la oficialidá nes cais d'Uviéu

La convocatoria de la Xunta Pola Defensa de la Llingua Asturiana axuntó ayeri a miles de persones nel recorríu ente la Estación del Norte y la Plaza de La Escandalera d'Uviéu.

Na marcha participaron una bayura de colectivos sociales, sindicatos y partíos políticos. Ente los manifestantes tuvo la Conseyera de Cultura, Vanessa Gutiérrez, dientro d'una pequeña representación de la FSA-PSOE, tamién diputaos de distintos partíos con representación na Xunta Xeneral y a destacar foi la presencia de la secretaria xeneral de Podemos a nivel estatal, Ione Belarra.

La reivindicación pola oficialidá tien el so orixe na década de los años 80 y cuatro décades dempués sigui axuntando a miles de persones.

El 12 de xunu de 2025 votóse na Xunta Xeneral el proyeutu de reforma d'Estatutu d'Autonomía pa l'aprobación de la oficialidá del asturianu y eonaviego/gallego-asturiano. La mayoría absoluta de la cámara votó a favor de la oficialidá por vez primera na historia, pero nun foi bastante al necesitase la mayoría reforzada de 3/5 de la mesma.